Nongstoin, Nohprah 11: Ka 
West Khasi Hills kum kawei na ki
Sengbhalang hapoh jong ka thain West ka sngewlyngoh shibun ba dap da ka jingsngewartatien bad
ka don kaei kaei kaba sha lyndet ha kaba ka Sorkar kam lah ban plie noh ia katei ka Prison Jail
(Thanad) jong ka Nongstoin kaba la shna ha kine ki snem, kaba don hajan ka Wah Photkhynthei
marsyndah u pud u sam jong ka Shnong Mawkawah bad ka ban leit sha kynroh.
Ha ka jingleit jurip jong ka Seng lem katto ki dkhot jong ka la lap pynban ba kane ka jaka ka long kum kawei na ki jaka riehtngen jong ki riewsniew ban leh ia ki kam jakhlia ba bun jait, tang nurmar ka jingbuh ingjahjong ka Sorkar ia kine ki ing kiba la shna.
Halor kane ka jingshna jong ka Sorkar ia kane ka phatok (Thanad) ka long kum ka jingpynsyrwa kai ia ka pisa u Paidbah lada ym lah ban trei kam kumba la thmu ia ka naduh ba nyngkong ym tang katta hynrei kumjuh kum ka jingpynbor ban pynroi ia ki kam sniew ki kam thala ha kane ka jaka, kumta na ka liang ka Seng ka kyntu ia ka Sorkar ba kan ialeh ban pynkloi ban plie noh ia kane ka jaka. Kane ka long katkum ka kyrwoh kaba la phah da u Bah P Marwein Publicity Secretary Hynniewtrep People Social Organisation West Khasi Hills District.(SP News)
