Kyntiew ia ka kam shangkai pyrthei, sangsot ka surok ban leit sha Sohra

Shillong, Risaw 09: Ban kyntiew ia ka kam shangkai pythei ha kane ka jylla Meghalaya, ia ka tnad Turism la bat hi da u myntri rangbah ka jylla bad kane ka jingpyrta kam dei shuh kaba dang thymmai hynrei ka dei kaba la slem bha. Hynrei kane ka jingpyrta jong ka sorkar ka long tang ha ka jingkren katba ki kam pat ki long sha jngai bah bad kane ka paw na ka jingsniew jong ka surok ban leit sha Sohra.

Katkum ka jinglap jong u SP News Agency ka long ba ka surok ban leit sha Sohra mar ia rung na Umtyngar ka long kaba sniew bad kane ka la buh ia briew kiba leit sha Sohra kaba dei ka jaka pdeng ha kane ka jylla kum ka jaka jngoh kai kaba I tynnad ia kaba ka pyrthei baroh kawei ka tip ia ka jingjut jong u slap.

Ka surok naduh Umtyngar haduh Mawjrong ka long long kaba sniew, Kane ka jingsniew jong ki surok khamtam ha katei ka jaka ha kaba ka sorkar Meghalaya ka da sngew sarong ia ka jingleit jong ki briew sha katei ka jaka ban peit kai ia ka jingitynnad jong katei ka jaka. Kane ka jingbym lah ban leh ei ei jong ka sorkar ia kane ka surok ka la thadrong ia ka jylla sha  ki briew kiba wan kai na sha bar.

Lada ki riew rangbah kiba la kren ha u SP News Agency, kila pynpaw  ia ka jingsngew lyngoh ban iohi ba na ka liang jong ka PWD ka siang rong haka por slap ym ha ka por tlang. Bun na ki ba la kren, ki la ong ba kane ka jingleh jong ka PWD kan ia rap haduh katno ban pynneh ia ka surok da kaba siang rong ha ka por slap.

Na ka liang jong ki nongleit jngoh kai sha Sohra ki la pynpaw b aka sorkar ka dei ban peit ba kane ka sruok ka dei ban bha namar kumba ka long mynta bun na ki paidbah ki leit sha katei ka jaka ki kren diaw ia ka jinglong jong ka surok. Ban khring ia ki nongwan jngoh kai pyrthei ka sorkar ka dei ban pynbha ia ki surok, ym tang ha katei ka jaka hynrei sha baroh ki jaka shongkai pyrthei.

What Next?

Related Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet