La plie biang ka Iew Mawshun ha Dawki

Ka kynhun jong ki nongkhaii Mawshun bad mawthup na ka thain Dawki ki dap da ka jingsngewnguh ia u myntri ba dei peit ia ka tnad khlaw jong ka sorkar Meghalaya ha kaba la shah biang ban ia shallan ia u Mwshun bad ia u Mawthup na katei ka kad khaii ban shallan sha Bangladesh. Ka jingpynsangeh ia ka jingkhaii ia kitei ki mar sha Bangladesh ka dei na ka daw ba ka tnad khlaw jong ka sorkar Meghalaya ha kaba ym ia shai ia ka rukom trei kam.

Haba kren ha u SP News Agency, ka kong Dolly Khanglah kaba dei ka nongaibuit jong ka War Jaintia Limestone and Boulder’s Association, ka la kyntu iabaroh ki Exporter ba kin leit ban ia kynduh ia u Ranger jong ka Pursadwar  ban shim ia ki ki kot ki sla bad ban ioh ia ka jingshai kaba kham bniah na ka bynta ban iaid beit ka khaii pateng nangne shakhmat.

Na ka liang jong ka Kong Khonglah ka la pynpaw ia ka jingsngewnguh kaba kyrpang ia u myntri ba dei peit ia ka tnad khlaw u Bah Tynsong, u PCCF, ia u DFO(T) jong ka Jaintia Hills kiba la sngap ia ka ei kaba ki la pynsngew na ka liang jong ki dkhot katei ka seng ha kaba ia dei bad kane ka kam khaii Mawshun bad Mawreng sha ka thie ka Ri Bangladesh.

Kiwei pat ki tyllong khubor kiba la ioh da u SP News Agency ki iathuh ba ka jingkhang ia ka jingiakhaii Mawshun bad Mawreng sha Bangladesh ha 22 tarik jong u Nailar ka dei na ka daw ba ka tnad khlaw ha kine ki por kiba la leit noh kam shym la shum ia ka royalty kane ka pyni ba ka sorkar ka la duhnong. Hynrei mynta ka sorkar ka la bthah ba baroh ki nongkhaii ki hap ban siew ia katei ka khajna kaba dei sha ka sorkar.

What Next?

Related Articles

Leave a Reply

Submit Comment
*