Tura, Risaw, 01: Ki paidbah Garo ki la pynlong ia ka jingthang mombati kum ka jingkynmaw ia ki 9 ngut kiba la shah sait iap ha ka jingiakhih MBOSE ha u snem 2005 dei ha ka 30 tarik jong u Nailur bad kitei ki khyndai ngut kila shah sait iap ha ki briew jong ka ain. Ha kane ka sngi d aki hajar ngut ki briew ki la ia poi ban pyndon burom ia kiba la khla dnoh.
Ka jingleh burom ka la sdang da ka jingiaduwai kum ka jingburom ia kito ki bala duh ei ia ka jingim ha ka jingialeh bad ki pulit ha ka 30th jong u Nailur 2005.Ha kaba ki nongialam kila pyrshah ia ka jingphiah ia ka MBOSE.Haba kine kiei kiei ki la poi sha ka ba sniew , ki pulit ki la siat ia kine ki nogialam. Hadien kane la pynlong jingtohkit la shem ba ka sorkar kala bakla. Nalor kata, bun ki jingujor ba kam pat biang ka rukom treikam ban pynthikna ia ki briew ba don shadien kane ka kam.
Ha kane ka jingialang la ioh ia ka jingkren na ki nongialam Balang bad kumjuh na ki NGO’s jong ka Tura. U Rev. Dilseng M Sangma u kren ha kane ka jingialang ia ka jingroi jong kajaidbynriew. U ong ba ki Garos ki donkam ban iohi ka jingkiew ha ka jaidbynriew bad ban ioh ia ka burom ha ka jingim.
Ki bahaing jong kito kiba hap haka lanot ki la pynmeh ia ki mombati ha ka jingiap jong saw ngut ha Tura bad hadien kane kila pynlong ka jing sngap jar ba shiphang.U President jong ka GSU, Thengsak G Momin,u la ai jingkren hangne shaphang ka jinglen lade jong kine ki briew kiba iap bad ula ong ruh ba baroh na ngi ngi dei ban kynmaw ia kane ka sngi,bad yn sah jingkynmaw kum ka sngi” ka jingshah shitom”.
Hadien kane ki kmie ki kpa jong kito kiba iap ki la buh syntiewHakaba kut jong kane la ioh ia ka jingaikhublei khatduh na u President jong ka AYWO, Adinson Ch Momin, Ia kane la pyniaid da ka FKJGP, AYWO, APSDO, GSU bad ADE. (SP News).
