Shillong, Iaiong 04: Ha kane “Ka Sngi Kyrsiew Ri” na ka liang jong ka Khasi Student Union (KSU) ka la phah ia ka khubor sha ka sorkar jylla lyngba ka jingialang paidbah kaba la long ha Motphran mynta ka sngi da kaba ong ba “ Ka sorkar ka dei ban pyntri kam noh ia ka Inner Line Permit, ne kin khot ia ka jingiakhih paidbah”. La ong u bah Daniel Khyriem president.
Haba kren ha ka jingialang na ka liang jong u president jong ka KSU u la ong ba ka sorkar ka la shim ia ka rai ban pyntrei kam ia ka ILP ha kane ka jylla ha u snem 2011 ha kaba u Bah Bindo M Lanong u long u chairman, hynrei ka sorkar haduh mynta kam shym la pyntreikam.
Ha ka jingkren jong u Chairman ka NESO u ba long ruh u president ba rim jong ka KSu u Bah Samuel Jyrwa, u la ong ba kum ka jaid bynriew ka dang ialeh haduh mynta na ka bynta ban iada na ka jingwan tur jong ki mynder ri.
Ha ka juh ka por u la ong ba kum ka jaidbynriew ka dei ban bat ha la de ia ka khaii ka pateng, ka syshar ka khaddar bad ha ki kam baroh, kum ka jaid bynriew kan nym lah ban ia lad ba kiwei kin wan leh trai khlieh ha kane ka bri u hynniewtrep.
Ha kane ka sngi ban rakhe kyrpang ia ka sngi kyrsiew ri, la pynlong ia ka jingiad paidbah naduh Nongthymmai madan Iewrynhep sha duh mot phran ha kaba la pynlut ia kane kajingialang paidbah. Ha kane ka sngi u Bah Teibor Shanpru u la pynlait paidbah ia ka kot lyngkdop kaba la thoh da ka KSU. Ha kane ka sngi ki nongialam ba rim jong ka KSu ki la ia poi lang ban ia don bynta ha kane ka jingarakhe ia kane ka sngi kaba kyrpang ia ka jingdap 35 snem jong ka seng naduh ba la seng ia ka.(SP News)
