Namar ki kam awria ki kmie ki kpa,Kit jingpang niangkulia ki khun

The Shillong Chamber ChoirShillong, Jylliew 27: Katkum ka jingkhein jong ka Aids Control Society ka jylla Meghalaya ka la lap ba haduh u bnai Jymmang mynta u snem 2012 baroh kiba la kit ia ka jingpang niangkulia ki la don haduh 945 ngut. Kiba bun kiba ioh ia kane ka jingpang ha kane ka jylla ka dei na ki kam awria.

Ka Dr S Laloo haba kren ha u SP News Agency ka la iathuh ba kane ka jingkhein kaba ka society ka la ioh ka long ha dien ba ki la ioh ban test ia ki 64000 ngut ki briew bad kiba bun na kine ki nongpang ki dei ha kane ka nongbah shillong namar ki kam awria jong ki briew ki don ruh kiba la ngat ia kane ka jingpang na ka jingdih drugs ka jong ki.

La iathuh ba ka long kaba i sangot ia ki khunlung kiba hap ban kit ia kane ka jingpang ha ka met jong ki ym na ka daw ka jong ki hynrei na ka daw  ba u kpa na ka kmie jong ki ki iaid ha ki kam awria. Na ka liang jong ka Society mynta ka dang ialeh kumno ban wad kilad ki lynti ban buh ia ka jaka ai jingsumar kyrpang tang na ka bynta jong ki khynnah.

Ha ka juh ka por la iathuh ba ka long kaei kaei kaba sngewtynnad ban iohi ba wad ki balang ki la wan sha khmat mynta ban kren sha ki paidbah shaphang kane ka jingpang. Haba jubab ia ki jingkylli ka Dr Laloo kala ong ba ka dei ka jingshisha ba ki briew ha kine ki por kiba la leit ki don ia ka jingsngewlehrian ban phah peit ia lade hynrei mynta ki briew kila wan sha khmat ban lap la ki don ne em ia kane ka jingpang.

Kumba ka long mynta na ka liang jong ka Society haduh mynta kam shym don kano kano ka jingeh ha ka liang jong ka pisa namar ka sorkar ruh ka ai ia kaei kaba ki la pan. Haduh mynta na ka liang jong ka Society ka ai ei ia ki dawai sha ki nongpang. Haduh mynta ki briew kiba dang iai bteng ia ka jingdih dawai tang kane ka jaka jong ka sorkar ki don haduh 230 ngut.

What Next?

Related Articles

Leave a Reply

Submit Comment
*