Shillong, Risaw 07: ki bor ba pyniaid ia ka District Adminstration jong ka East Khasi Hills ka laphah ia u magistrate ban leit sha ka hospital Noth Eastern Indira Gandhi Regional Institute of Health and Medical Sciences (NEIGRIHMS ) ban tohkit halor ka jingkynnoh ba ka la don ka jingshah otsher ki khynnah.
Katkum ki khubor kiba la lah ban ioh lang ong kine ki khynnah kiba la shah otsher ha katei ka hospital jong ka sorkar ki dei kiba sah ha ka jaka ri khun swet ia kaba la tip kyrteng kum ka Meherba Orphanage ha Laban. La ong ba kine ki khynnah kiba la shah ot sher ki dei hapdeng ka rta 9 haduh 15 snem.
U Deputy Commissioner jong ka East Khasi Hills haba kren ha u SP News Agency u la ong ba na ka liang ka jong u u la phah tohkit ha kaba ia dei bad kane ka jingkynnoh bad u la ong ba ia ka kaiphot yn sa ioh la shai ka sngi ia mynta ym pat lah ban ong ei ei la kadei kaba shong nia ne kaba long beain yn sa lah ban kren tad haduh ba yn da ioh ia ka kaiphot.(SP News)
