Shillong, Jylliew 03: Ka Meghalaya state BJP ka la thoh sha u myntri ka tnad ka koit ka khiah jong ka sorkar Meghalaya ban kyntu ia ka sorkar ba ka dei ban pynbeit ia ki jingduna ha kaba ia dei bad ka Meghalaya Health Insurance Scheme khnang ba ki paidbah kin nym ia kynduh jingeh.
Na ka liang jong ka BJP ka shim ba ia kaei kaba la jia ha u nwei na ki nongpang kumba la mih ha ki kot khubor ha kine ki sngi ka dei ka jingjia kaba sngewsih ha kaba ka sorkar ka hap ban pynbeit ba kum kine kin nym jia shuh ha kip or ban dang wan.
Ki briew jong ka jylla ki la leit ban pynrung ia lade ha kane ka skhim da ka jingkyrmen kaba khraw ban ioh ia ka jingiarap ha ka pang ka shitom, hynrei lada jia noh kumne ka pynduh mynsiem ia ki paidbah .
Na ka liang jong ka sorkar kala pynpaw sha ki paidbah ia ka jingtrei jong ka ha kaba pyntrei kam ia kane ka skhim kaba don kam, ha ka juh ka por ka dei ban peit ba ki paidbah ki don ia kane ka MIHS card kim dei ban shem jingeh ha kaba pyndon kam ia ka.(SP News)
