New Delhi, Lber 27: Ban lait na ka jingpyndon kam bakla jong ki paidbah ia u dawai Hydroxychlroquine mynta ka sngi ka sorkar pdeng kala pynmih ia ka jingpynbna sorkar lyngba u Joint Secretary jong ka sorkar pdeng u Dr. Mandeep K Bhandari.
kane ka dei ka jingpynbna jong ka sorkar pdeng, “G.S.R 219(E).- Katba ka Sorkar Pdeng ka la hun ba u dawai ‘Hydroxychlroquine’ u long uba donkam namar jong ka jingpur jong ka jingpang COVID-19 bad na ka bynta ka jingbha jong ki briew, ka long kaba donkam bad kaba kyrkieh ban buh kyndon ha kaba iadei bad ka jingdie bad ka jingsam ia une u dawai Hydroxychlroquine khnang ban lait na ka jingpyndonkam bakla ia u”.
Mynta, kumta, da kaba pyntreikam ia ki bor ba la ai hapoh ka Section 26B jong ka Drugs and Cosmetics Act, 1940 (23 of 1940), ka Sorkar Pdeng ka la hukum ba ka jingdie (retail) jong kano kano ka dawai kaba don ia une u dawai Hydroxychlroquine kan long katkum ki kyndon na ka bynta ka jingdie ia ki dawai ba la kdew ha ka Schedule H1 jong ka Drugs and Cosmetics Rules, 1945.
Kane kan treikam na ka sngi ba mih kane ka jingpynbna ha ka Official Gazette. Ia kane ka jingpynbna jong ka sorkar pdeng la soi da u Dr. Mandeep K Bhandari, joint Secretary.
