Shillong, Lber 31: U President ka seng Hynniewtrep Natinal Youth Front (HNYF) u bah Sadon Blah la ong ba ka Coordination bad Welfare Committee lyngba u General Secretary u la pynkylla ia kane ka jingiap ki ar ngut ki briew ha Ichamati ban pyniapher jaidbynriew.
Katba ki dang pulit ki dang tohkit kumno u tei u General Secretary ka CWC u la kam ba ia ka jingpyniap ia u Esan Singh bad ia u Sujit Dutta la pyniaid da ki dkhot ka KSU, ka HNYF ka iohi shai kdar ba kane ka jingleh ka dei ka buid ban pyniapher jaidbynriew ia kaba kin nym lah ban pdiang ban wanrah ia ka jingpaher jaidbynriew.
Ha ka juh ka por ka Meghalaya Linguistic Minority Forum (MLMF) kala dang theh umphniang shuh shuh da kaba pynbna ban pynlong ia ka jingiakhih shongkyllain mungor ban pyrshah ia katei ka jingshah pyniap ryngkat ba ki CWC ia kane ka jingjia kaba jia ha katei ka jaka.
Ka HNYF kan pyrshah jur ia kano kano ka kynhun ka ban pynrshang ban wan rah ia ka jingiapher jaidbynriew haba kum ka jaidbynriew khasi ka khlem khih haba shah pyniap u bah Lurshai Hynniewta bad ka jingsiat iap ki BSF ha khappud bad ka Bangladesh.
Ka HNYF ka shim ba kane ka jingleh jong ka MLMF ka dei ka jingtynjuhbor jong ka ia ki trairi traimuluk jong kane ka jylla, kumta ka seng kala rai ban pynlong ia ka jingpyrshah ha ka 7/Iaiong/2024 halor katei ka jingkynnoh pyrshah ia ki riewlum ba ki pyniap pathar ia ki briew la ong u bah Sadon Blah ha ka kyrwoh kaba la phah mynta ka sngi.
