Shillong, Jylliew 02: Ka jingtrei shitom jong ki shipai BSF ha ka jingiakhun pyrshah ia ki kam sniew bad ki kam khaii beain ha khappud bad ka Bangladesh, ki shipai BSF 193 battalion kila ioh kem ia ki nongkhaii drok na Ranikor kaba hap hapoh jong ka South West Khasi Hills District.
Ki shipai BSF kila ioh ban kurup 2,469 Yaba tablets bad 10 grams u drok Heroin na kitei ki briew kiba leit da ka kali Alto, kne ka kali ka leit sha khappud sha thain Ranikor, kiba la shah kem la tip kyrteng kum u Joydeep Paul bad u Nabajit Sen, kine ki dei na East Khasi Hills District.
Ia ki kulit Yaba bad ia u drok heroin la aiti sha ki pulit jong ka Ranikor ban leh ia kaba don kam katkum ka ain, kane ka long ba ki shipai BSF ki don ka jingkit khlieh ban ia khun pyrshah ia ki kam sniew bad kam beain ha khappud.
Ki shipai BSF ki long kiba peitngor ban pynthikna ba ki kam khaii beain na duh ki jingdih kiba sniew kim dei ban ioh lat, ha bun ki khep ka jingiatrei lang ha pdeng ki BSF bad ki pulit kala wan rah ia ka jingioh kem ia ki nongleh kam sniew.
