Mawspong, Jymmang 30: Mynta ka sngi ka 30/Jymmang/2026 ha ka por lai baje tam ne duna, kala don ka jingiatyngkhuh kali ha shnong Mawpong kaba hap hapoh ka jingpeit jong ka Mawsynram Police Station ha kaba 7 ngut ki briew kiba mynsaw bad u nongniah ia ka kali kamai ka Maruti Alto u la mynsaw jur ia kiba mynsaw la pynkit sha Civil Hospital Shillong.
Ka jingiatyngkhuh kali ka dei ha ka jaka ba beit bha ka surok, ka kali Maruti Alto kaba don ia u number ML-12-2230, la ong ba ka dang mih na Shillong ban leit sha Mawkyrwat South West Khasi Hills District bad ka kali i20 kaba don ia u number ML05-W- 2062 ka dei kaba mih na Mawsynram ban kiew sha Shillong, ha kane ka jingiatyngkhuh kiba mynsaw kham bun ki dei na ka kali kamai.
Haba ia dei bad kane ka jingjia kaba sngewsih ka Ambulance 108 kaba don ha Mawsynram CHC mar ia ioh ia ka jingtip kila mih na Mawsynram bran bran ban poi ha kane ka jaka bad ba don kane ka jingiatyngkhuh kali bad ia kiba mynsaw namar la ia bun la hap ban kit ha ki ar tylli ki Ambulance 108.
Haba ia dei bad kane ka jingiatyngkhuh kali ki Pulit jong ka Mawsynram Police Station kila poi ha kane ka jaka ban iarap ia kiba mynsaw bad ban leh ia kaba don kam katkum ka ain kaba ia dei bad ka jingiatyngkhuh kali.
