Shillong, Naiwieng 08: Mar ia kynnoh ki BSF ba ka jingsait ia ki ar ngut ki shipai BSF ha Kathakonia ha South West Khasi Hills mynta ka sngi la leh da ki lehnoh ANVC(B), na ka liang jong ka ANVC(B) ha ka kyrwoh kaba la pynlait mynta ka jan miet la ong ba ia kane ka kam la leh da ki dkhot jong ka seng GNLA.
La ong ba ha ka miet jong ka sngi palei ki lehnoh jong ka seng GNLA ki la mih na South GaroHills da ka Sumno kumba shiphew ngut bad rung sha West Khasi Hills lyngba ka Maheskhola ryngkat ba dki dkhot jong ka seng ULFA da kajingkyrshan ki briew kiba na bar ri.
Kane ka seng ANVC(B) ka la kynnoh pyrshah ba ia kane ka kam ban siat ia ki shipai BSF la leh da ki dkhot jong ka GNLA ban ioh ban phet sha Bangladesh na katei ka jaka namar ka long kaba suk ban rung sha Kathie ka Ri.
Kane ka jingleh jong ka GNLA ka long ban pynkulmar ia ki briew jong ka ain kiba la khynra tyngeh ia ki da kaba pynlong sohpdung ia ki pulit, ki shipai bad ki riew paidbah da kaba pynkulmar kumne kin ioh ban phet sha Bangladesh la kynnoh ia ANVC(B).
Haba ia dei bad ka jingsiat iap ia ki san ngut ki pulit jong ka jylla ia kane ym shym ka la leh tang da ka GNLA hynrei ka jingiadon kti lang ka ULFA bad la pynlhet ia kid a ka jingiarap jong ki briew kiba don ba ia treilang bad ka GNLA.(SP News)
