Shillong, Nailur 09: Mynta ka sngi u heh pulit jong ka East Khasi Hills District la ong ba katkum ka bor bala pynkup da ka tnad kam poh iing ka sorkar pdeng ba dei peit ia ki briew ba wan na bar ri, la bthah ia ki trao hotel bad iing basa ba kin ai jingtip sha ki pulit hapoh 24 kynta.
Lada don kiba khlem pat resgister ia ki ID jong ki dei ban pyntip sha u Superintendent ki Pulit jong ka East Khasi Hills District Shillong na ka bynta ban register ia kine ki briew kiba wan na bar ri bad lada don kiba la dep ban register dei ban phah lang ruh ia ki kaiphot man la ka 24 kynta.
Katkum ka jingbthah ka long mar ia poi ki briew hapoh hotel bad ki iing basa kid ei ban pyntip mardor sha ki bor jong ka ain ba ki don ki briew na bar ri kiba la wan sah ha jaka sah jong ki.
Lada don ki iing basa kiba ialeh pyrshah kin sah pynshitom katkum ka ain bad ki briew kiba wan na bar ri ki dei ban but ia ki kyndon kiba ia dei katkumka Foreigners Act jogn kasorkar pdeng.
