Shillong Niawieng 21: Ka election sha ka Rabha Ajong Autonomous Council (RAAC) jong ka jylla Assam ka la long ha ka 16 tarik mynta u bnai, hynrei na ka liang jong u sordar ka shnong New Balakhawa kaba hap hapoh jong ka Hima Nongspung mynta ka sngi u la leit ban ai ia ka jingujor sha ka myntri kam poh iing ba ka sorkar Assam ka la pynlong ia katei ka election wad hapoh u pud u sam jong ka jylla Meghalaya.
Ha kane ka jingujor u Bah Warjri u la ong ba ki rangbah shnong jong ka Bakhlapara u Rostom Bora bad jong ka Halhor ki dei kiba la ai jingbit ia ka Assam ha ka 16 tarik mynta u bnai ban buh ia ka polling station na ka bynta katei kaelection RAAC.
Ki paidbah nongshong shnong kiba la leit ban thep vote ki long jong ka Baklhapara, Lyngkhung, Zimbaigoan, Hawla, Patgang, Bilpara Ranibari bad Halhor. Na ka bynta kitei ki shnong la buh ar tylli ki polling station.
Kawei pat ka polling station kaba la buh ha Mawdongki, ia kba ki paidbah na ki shnong Bornongsai, Auguri bad ka Balakhawa kine ki dei ki shnong kiba hap hapoh ka jylla Meghalaya tang ki leit ban thep vote ha katei ka election la ong u Bah Michel ha ka jingthoh kaba la phah mynta ka sngi sha ka myntri kam poh iing.
La ong ba kine ki jingjia baroh ki mih na ka jingleh jong u wei u nonghikai skul ha Upper Primary skul la kynnoh u bah Michel. Na ka liang jong une u rangbah u la ujor sha ka myntrei kam poh iing u la dawa ba dei ban kem mardor ia utei u briew.
La ong bana ka liang jong ka sorkar Assam ka la wanrah mynta sa ia ka Um bam umdih sha kitei ki thain haduh ka iing jong ka Eoloda Syiem ha Balakhawa, na ka liang jong u Bah Michel u la ong ba ka sorkar ka dei ban leit jurip bad ban lap ia kaei kaba ka sorkar jylla Assam.
Ha kane ka jingujor la dawa ruh na ka sorkar ba ka dei ban buh noh ia ki pulit ha katei ka thain ban iada ia kine ki jingjia la ong u Bah Michel. Kine ki jaka baroh ki dang hap hapoh ka jingpeit jong u Syiem ka hima nongspung.(SP News)
