Shillong, Nailur 24: Mynta ka sngi khlem khiohngioh ki nongtrei ka Shillong Municipal Board kila pynkhuid ia ka wah Umsohsun kaba la sahkut bek da ki niut ki nier kaba la pynjaboh ia kane ka wah ha ryngkat ka jingsma iewtung.
Ki shnat wah kiba tuid sha kane ka wah Umsohsum ki don lai tylli, kawei ka wan na Ketting Road, Kawei ka wan na ophis ka Cantonment Board bad kaba na Iewduh, ki dei ki wan kiba jaboh bha namar ki tuid na ki jaka iew.
Ka wah kaba tuid na Keeting road ka wan sha Umsohsun, kaba na Iewduh ka iaid na Themmetor sha Umsohsun, ka um jaboh baroh na Iewduh ka tuid sha kane ka wan Umsohun bad ka poi sha Wahiingdoh.
Na ka liang jong ki ophisar ka SMP kila phah ia ka kaiphot sha ka ophis ban iada na ka jingtuid ki jabah sha kane ka wan ba la don kam ban buh ia ki jingker ha kine ki wah ba ki jaboh ki sah kut bad kan iaid tang ka um.
Kane kan iarap ban pynkhuid ia ka wah Umkhrah bad ha kaba kut kan iada ia ka pung Umiam, kane ka dei ka jingpyrkhat ban iada na ki jaboh ban tuid hapoh ki wah bad ha ka juh ka por don kam ia ki briew ban pynkhuid.
