Shillong, Risaw 19: Ka Chiled Friendly Shillong, kala pynlong ia ka jingpynsngewthuh paidbah ba don kam ban deng ia ki jingda khlieh haba shong ha ki kali ar shaka, wat ia ki khynnah ruh haba ki shnong.
Ia kane ka jingpynsngewthuh paidbah la pynlong ha Don Bosco Square, ha Laitumkhrah, Dhankheti bad Fire Brigade. La pynlong ia kane ban pynsngewthuh ia kiba kit ia ki khynnah ba don kam ban pyndeng ia ki jingda khlieh.
Ka ain ban deng jingda khlieh kam dei tang na ka bynta kiba la heh la san hynrei ka dei ruh na ka bynta ki khynnah kum juh, ha kane ka jingpynsngewthuh paidbah la pynshai ba kumno ka jingdeng ia ki jingda khlieh kan iada na ka jingmynsaw haba don ka jingiatyngkhuh.
Ha katei ka sngi la pynlong ruh ia ka jingia soi p[aidbah kum shibynta ban ia ailang ia ka jingmynjur, ia kane kin dang iai bteng da kaba tah ia ki poster ha ki jaka pule naduh ki skul haduh ki Kolej ba ki paidbah kin iohi bad sngewthuh.
Ia kane la pylong da ka jingiatrei lang bad ka tnad pyniaid kali jong ki pulit, na ka tnad pule MSW ka St Edmunds College, ka tnad pule Social Work Martin Luthur Christian University, IIPS, William Carey University MSW department and Women’s college na ka BSW department.
