Shillong, Risaw 29: Mynta ka sngi ka seng samla pule ka shnat KSU na Bangalore kala wan sha Shillong ban ujor ia ka ejahar pyrshah ia ka Anisha ka kyrteng sien jong ka, katba ka kyrteng trai ka dei ka Silvia Tham.
Kane ka jingujor eajahar da ki nongialam ka seng KSU pyrshah ia katei ka kynthei ka dei halor ka jingkren khlem akor jong ka da ki ktien khlem akor kaba la pynjah burom ia ka jaidbynbriew kumba la saphriang ha ki social media.
Ha dien bala dep ban ujor ia ka ejahar ha u Superintendent ki Pulit jong ka East Khasi Hills District haba kren ha ki lat pathai khubor u samla Donboklang Nongphud la ong ba ka jingleh jong ka samla Silvia kala pynjah burom ia ki samla kiba pule bad kiba trei hapoh ka jylla Karnataka.
La ong baka jing mudui ia ka ejahar pyshah ia ka long ba kala kren khlem akor ia ki seng bhalang, ki seng long kmie bad ia ka tnad pulit ka jylla Meghalaya, ia ka jingleh jong ka ymlah shuh ban shu sngap namar ka jingleh jong kala ktah ia ki kynthei kiba pule kum ka seng kam lah shuh ban shu sngap ki hap ban wan ujor ia ka ejahar ha Shillong.
Ha ka jingiakren bad u Commissioner ki pulit u bah Iada Marbaniang IPS la ong bakan bha ban ai iaka ejahar ha Shillong dei na kane ba ki wan noh sha Shillong bad khmih lynti ba kan long ka jingsneng ia ka Silvia, ia ki kam jong ka shimet kinnym ong ei ei hynrei ka jingkren khlem akor jong kim lah shuh ban pdiang.
