Shillong , Naiwieng 05: Ka Kynhun myntri MDA ka la lum ka jingialang myntri myn ha ka 5 tarik u Naiwieng ha Secretariat. Ia katei ka jingialang la pyniaid da u Myntri Rangbah ka Jylla u Conrad K Sangma da ka Video Conferencing na Tura.
Haba kren ha ki lat pathai khubor ha dein ka jingialang u bah Paul Lyngdoh myntri ka sorkar jylla ba dei ruh u nongai ktienka sorkar MDA u la pyntip ba ka kabinet kala mynjur ia ka Forensic Science Laboratory kaba ban dang pynkhlain shuh shuh ia ka bad ka jingthung ia ki briew ruh kan dang iai bteng.
U bah Paul laong ba ka jingkiew jong ki jaka sor ka dei kaba dang iai kiew bad kan dang bteng kumta la don kam ban wan rah ia ka jingpynbeit bad iaka ain shna iing kan treikam ruh ha kito ki jaka kiba la ithuh kum ki jaka ba don ki karkhna, namar ha ki jaka kum Mawkasiang bad Mawkhanu kin sa don ki karkhana ki ban mih.
Ka Kabinet kala shim ruh ia ka rai ban thaw ia ka Meghalaya Rural Development Services Board kaban ha kaba ia ki ophisar jied bad ynthung ia ki ha ki Block, haka kyrdan GRDO kin don 59, la leh ia kane ka long namar ba ka don ka jingduna ki ophisar ban trei ha ki nongkyndong.
Lada leit lyngba ka MPSC kan pynslem ia ka jingthung kam ha katei ka kyrdan jongki ophisar kuma la don kam ban don ia ka board, kane ka pynsted ia ka jingthung kam namar don kam ia ki ophisar sha ki Block.
