Shillong,Nailur 21: Ka State Disaster Response Disaster Force (SDRF) mynta ka sngi kala lap iaka metiap ba la ngam jyllop na kawei ka phud wah kaba don ha kawei ka jaka jong ki riew shimet ha Mawdiangdiang.
Ia katei ka jingjia, ki pulit jong ka 1″ SDRF Battalion, Shillong kila ioh jingtip na ka District Disaster Management Authority (DDMA), East Khasi Hils ha ka por 2.24 baje mynsngi ha kaba iadei bad katei ka jingjia ngam jyllop.
Khlem ka jingshim por, ka kynhun jong ka SDRF kala leit na ka Headquarters kaba don ha CD&HG Complex, Mawdiangdiang bad poi sha katei ka jaka kumba 2.35 baje.
Haba kila poi ha katei ka jaka, la tip ba katei ka jingjia kala jia ha ka por 12 baje mynsngi. Ka kynhun SDRF, ba la lam khmat da u Inspector S. Dkhar mar mar kila pynlong iaka jingthwet bad ka jingpynlait im.
Ha ka jingleit jong ki ki pulit ka SDRF kila ioh sei iaka met kaba dei jong u samla briew.
La ioh sei ia katei ka met jong une u briew ba la khlad noh ha ka por 3.00 baje janmiet ha ka jingiadon lang ki pulit ka Mawdiangdiang OP bad u rangbah shnong ka Mawdiangdiang. Katba ia katei ka metiap, la aiti noh sha ki pulit na ka bynta ban pyndep ia kaba donkam.
Kane ka long katkum ka jingiathuh na u bah PH. Shylla, Senior Staff Officer & PRO, Directorate of Civil Defence& Home Guards, Meghalaya, Shillong.
