Shillong, Naiwieng 27: Mynta ka sngi ki shipai na ka kynhun Assam 
Riffle ki la pyndep ia ka jinghikai ka jingki kaba shisnem lynter bad ia kane ka jingpynrung syndon ha ka kam la shim salute da u myntri rangbah ka jylla Meghalaya u Dr Mukul Sangma ha ka jingiadon lang ki heh shipai jong ka Assam Riffle.
Ha ka jingkren jong u myntri rangbah u la ai ka jingiaroh ia kane ka kynhun shipai kaba la ai ka jingshakri kaba khraw ia ka Ri India bad u la ong ba ki dei ban pynsah ia ka burom ka akor jong kane ka khynhun shipai ban iada ia ka Ri.
Ha kane ka sngi la sam khusnam ruh ia kine ki shipai kiba dang shu dep ia ka jinghikai ka jong ki ha ki kyrdan kiba pher bapher katkum ka jingtbit ka jong ki ha ka por ba ki dang don ha ka jingshah hikai.
Ha kane ka sngi la don lang kiba ha iing ka sem jong kine ki shipai kiba dang shah pynrung thymmai bad kane ka long ka sngi sah kynmaw ymtang ia kine ki shipai hynrei ia kiba ha iing ha sem baroh kiba la wan ban sakhi ia kane ka sngi kaba khraw.(SP News)
