Shillong, Nohprah 18: U Prof. Ajay Sood nongai buid ka Principal Scientific Adviser (PSA) ka sorkar pdeng la khot ia ka jingialang ban ia mir jingmut ban wanrah ka jingkylla bad ban bud dien ia kaei kaba la iakren ha ka jingialang ha ka 21/Nailar/2024 ban wan rah ia ka jingkylla ha ki rukom ai bor.
Ka 24th PM-Science Technology Innovation Advisory Council (PM-STIAC) la khot ia ka jingialang ha ka 6/Lber/2024 la ia kren ba kumno ban wanrah ia ka jingkylla ha ka jinglong ha kaba ia dei bad ka jingpynmih ia ki dawai ha India kila ia kren.
Ka jingialang jong ka PM-STIAC, kaba la pyniaid da u shongknor ka PSA, kala ai jingmud ban wanrah ia ka jingkylla kaba khraw ha ka ban wanrah ioa ka rukom trei kam ban pynlong kaba khuid, ba don ka jingkit khlieh bad ha ka juh ka por ban kyntiew ban pynmih ia ki dawai kiba bha kiba lah ruh ki paidbah kin thied kumjuh ha ka pyrthei.
U Dr. Rajeev Raghuvanshi, Drug Controller General of India (DCGI), Central Drugs Standard Control Organisation (CDSCO) u la pynsngew ha kane ka jingialang ha kino ki bynta kiba ha khmat eh bad la pyntip ba la shim bun ki lat ki lynti ba ka India kala leh kum ka India’s Maturity Level 3 (ML3) ka kyrdan ha ka National Regulatory Authority bad ka jingpeit bniah ia ki dawai da ka WHO.
Shuh shuh ka CDSCO kala pynlong ia ka jingialang ha ka kyrdan International Conference of Drug Regulatory Authorities (ICDRA), kaba pynbeit bad peit bniah ha kaba 120 tylli ki ri jong ka pyrthei kila wan ban ia shim bynta. DCGI la pynsngew ruh bala plie ia ka 9th CDSCO ka jaka jurip bniah ia ki dawai ha Bhubaneswar.
Kala don ka jinglah ban kham pynbha ha kaba pynbeit bad la batai bniah ruh ia kaba kila pyniaid sha khmat ha ka PMSTIAC ha kaba kila ai jingmut ban don ia ka kynhun ki riew wat bniah kiba kyrpang ha kaba dei ban don ia ka jingjurip ia ki karkhana na ka por sha ka por.
Ha kane ka jingialang ka PSA kala ai ka jingiaroh ia ka jingpyrshang ka CDSCO ban wanrah ia ka jingshaniah ha ka ri bad kum juh ha ka pyrthei ban kyntiew ia ka jingshallan sha bar ruh bad kane kan kyntiew ia ka jingiakop ban pynbha ha kaba pynmih ia ki dawai.
