Shillong, Kyllalyngkot 10: Ka kabinet kaba la long mynta ka sngi ha Sohra kala shim ia ka rai ban ai jingbit ia ka District Rural Development Agency (DRDA) kiba hap ha ka ophis Deputy Commissioner ka East Khasi Hills bad West Jaintia Hills District ba kin thied jaka ban pyntrei ia ka skhim New Shillong Water Supply Scheme Phase-I.
Ka kabinet mynta ka sngi kala pynkylluid ia ki kyndon jong ka Assured Career Progression Scheme (ACPS) ha kaba ia dei bad ka jingkyntiew kyrdan ha ka kam, kane ka skhim kan ai jingbit ban ai ia ka jingpynkiew tulop ne ka jingai sha ki nongtrei sorkar bad kane kan nym don jingiadei bad kiba la trei slem.
Kane kan nym ktah ia ka jingkiew kyrdan ha ka kam kaba juh long ne khlem da thaw ia ka post kaba thymmai, ka jingkylli ban ong ba balei ki ioh ia ka jingsiew kaba kham heh hapoh kane ka skhim ACP, la leh ia kane ka long ban pynbeit ba kan nym don ka jingktah ia ka jingkiew tulop kaba ki dei ban ioh.
Ka kabinet kala rai ruh ban ai jingbit ia u Executive Engineer ka tnad ri dohkha kumba ioh lem kiwei ki Executive Engineer ia ka bor ban shim rai ha kaba pyntrei kam ia ki skhim kiba rit.
Ka kabinet kala pdiang ruh ia ka jingpynkjylla ia ka Meghalaya Building and other Construction Worker’s (Regulation of Employment and Condition of Service) Rules, 2008. Kane kan pynthikna ba kito kiba trei bylla kiba la register kin ioh ia ka jingmyntoi kum ka jingsumar, ka pule puthi ia ki khun, ki bai bam tynmen.
Ka kabinet mynta ka sngi kala wengnoh ia ka Meghalaya Civil Service (Commutation of Pension) Rules, 1992 bad kala pynbha ia ka ban kham pynsuk ia kiba ioh bai bam thynmen kiba la shong thiat na ka kam bad kan pynsuk ia ki.
