Shillong, Lber 17: U Myntri rangbah ka jylla u Conrad K Sangma mynta ka sngi la pynbna ba ha dien palat phew snem ba la khang ia ka jingtih dewiong ha Meghalaya mynta ka sngi la plie ia ka par tih dewiong kaba nyngkong kaba yn sa tih katkum kane ka juk stad kaba mynta kaba la tip kum ka “Scientific Mining” ha East Jaintia Hills District ha Meghalaya.
U myntri rangbah ka jylla la ong ba kane ka dei sngi sah kynmaw shisha ha ka jylla bad na ka bynta ki paidbah kane ka jylla la ong ba kumba ia tip bun bah ki long iing, ki riew shimet kiba imja na ka kam tih dewiong kila shem jynjar mynta la palat phew snem na ka daw jong ka jingkhang dewiong.
Mynta ka sngi da ka jingtrei shitom ka sorkar jylla ryngkat ka jingkyrshan lang ka sorkar pdeng mynta la lah ban weng ia kata ka jingkhang tih dewiong bad la lah ban sdang ia ka jingthoh dewiong katba katkum kane ka juk stad mynta ha kane ka jylla.
Na ka liang jong u myntri rangbah ka jylla u ai ka jingkhublei kitbok kitrwiang ia to ba la ioh ia ka jingtbit ban sdang noh ia ka jingtih dew iong ha ka jylla, u myntri rangbah ka jylla u pynshlur ruh ia kiwei kiba don par dewiong ba kin apply ia ka laisen tih dewiong.
U myntri rangbah ka jylla u la ai ia ka jingkular ba na ka liang jong ka sorkar jylla kan ai ka jingkyrshan kaba pura, ha ka juh ka por umyntri rangbah la ong ba ka sorkar kan da ialeh kumno ban pynioh ia ki to ki ba don par kiba rit ba kin ioh lat, ka sorkar ka dang iaid pyrshang.
Haba ia dei bad kane ka sorkar ka dang ia kren bad ka sorkar pdeng ban ailad ia kito ki trai par kiba don ia ki par kiba rit ba rit bakin ioh ban tih dewiong, ha ka juh ka por ia mynta kin sdang bakane ka jingtih dewiong katba katkum kane ka juk stad mynta, la ong u myntri rang bah ka jylla.
