Shillong, Nohprah 16:Ka long ka jingjia kaba phylla ba kawei ka lomgkmie kaba la ithuh kyrteng ka Kong Shanalin Sangkli 25 snem ka karta ka la kha synrap lai ngut ki khun hynnin ka miet ha Ganesh Hospital, Shillong.
Katei ka longkmie kaba dei ka kurim jong u bah Bridarlin Tongwah kiba shong basah ha Mawlyngkhung, Ri Bhoi District ka don hadpeng ka met kaba koit kaba khiah hadien ba kha ia kitei ki lai ngut ki khun.
La iathuh ba ka la wan ban shah sumar ha katei ka Hospital hynnin ka sngi Saitjain bad ka la kha hynnin hi miet nyngkong ia u khunlung shynrang, baar ka la kha ia ka kynthei bad balai ka la kha biang ia i shynrang.
Katkum ka jingiathuh ka Kong Shanalin, u shynrang ba la kha nyngkong u khia kumba 1kg tam katba ki ar ngut pat kiba kha hadien ki kham duna ka jingkhia. “Nga la kha suk baroh lai ngut ki khunlung bad ha ka por ba kha ki shait ki khlain bha,” ka la ong bad bynrap ba kane ka dei ruh ka sien banyngkong ba ka kha khun.
U Nongthoh Khubor uba la poi sha katei ka hospital, ula pyrshang ban wad jingtip bniah halor katei ka jingjia bad ban ioh shondur, hynrei ki nurse kiba dei peit ki la iathuh ba iwei iba dei I kynthei i la khlad noh hynne shiteng sngi bad la aiti noh sha kiba haiing jongi, katba ki shynrang ar ngut ki dang don ha ka jingshah sumar.
Halor ka jingkylli kitei ki nurse ki la kyntait ban iathuh da kaba ai daw ba iba dei incharge im pat wan, kumta na ka liang jong ki, kim lah ban iathuh lada kim ioh jingbit na ki bor ba halor.
Katei ka jingleh ki nurse ka pyni pynban kumba ka don eiei sha lyndet halor katei ka jingjia. (SP News)
