Shillong, Jymmang 29: Ki pulit jong ka nongbah Shillong ban ia ioh jingtip ba la don uw ei u briew bala leh khlem akor ia kawei ka khynnah skul ha lynti iaid kjat ha Umsohsun kila register ia ka ejahar bad ka jingtohkit kala iaid ban lap ia u nongleh kam sniew.
Ha kane ka jingtohkit ki pulit kila lap ba u ba leh ia ka kam khlem akor kumba la ioh ring da CCTV la shem ba u dei na ka shnong Bamkukurachua kaba hap hapoh jong ka Jorhat Police Station jong ka jylla Assam.
Da ka jingiatreilang bad ki pulit ka jylla Assam, la ioh ban kem ia u Himan Gogoi na ka iing jong kiba ha iing jong u, ki pulit kila ioh ban kurup ia ka mobile ba pyndon kam bad kiwei kiwei kiba pyndon kam ha kane ka jingleh khlemakor ka jong u.
U Himan la shem ba don kti ha kawei ka jingshah ujor mukotduma hapoh jong ka Teok Police Station ka number Mukotduma, 43(03)25 u/s 329(3)79 BNS Act. Ia u tei u briew yn rah sha iing bishar kaba don ha Jorkhat bad ha dien katta yn sa wan rah sha Shillong ban Bishar.
Kane ka jingshah leh khlem akor kala jia ha ka 23/5/2025 bad ki pulit kila iohi ia kane ha ka 24/5/2025 bad ha ka 26/5/2026 ki pulit kila thaw ia ka kynhun kaba kyrpang ban tohkit ia kane ka jingleh khlem akor u tei u briew ha Umsohsun ha lynti ban kiew sha YMCA.
La register ia ka ejahar ha Lumdiengjri Police Station bad ka mukotduma No. 55(05)202 Us 76/79 BNS R/w Sec. 11/12 POCSO Act bad la ujor ruh ia ka ejahar ha Sadar P.S ha kaba kawei ka khynnah skulk ala shah khlem akor ha jan Dreamland ha ka 19/5/2025 bad register ia ka mukotduma Sadar PS bad ka number jong ka mukotduma No. 140(5)2025 u/s 7/8 POCSO Act.
