Shillong, Nohprah 19: Mynta ka sngi ha ka por kumba 5.10 baje mynstep u wei u pulit CRPF Constable . No. 941322964 u ba la tip kyrteng kum u Bhanwarlal Lal 41 snem ka rata u la pyniap ia lade da kaba siat ia lade da ka suloi ha ka jaka trei jong u ha 67 Bn., CRPF Camp, Lawjynriew, Nongthymmai.
Ha kawei pat ka jingjia u Deepak Rai ba dang 24 snem ka rta u la pyniap ia lade da kaba sdien phasi ha jan jong ka skul Little Star Academy School, Khliehriat kaba hap hapoh jong ka East Jaintia Hills District. Ka jingtohkit ka dang iaid.
U K.B Chettri u ba trei hapoh jong ka Police Reserve, Shillong u la ai ka jingujor ba u Ajay Thapa u ba niah ia ka kali kaba la shim wai da ki pulit u la byrngem byrsit ia u ha police bazar ha ka 18 tarik mynta u bnai ha ka por miet.(SP News)
