Shillong, Naiwieng 09: Ka sorkar Meghalaya kala pynmih ia ka jingpynbna sorkar ha ka 30/Risaw/2026 ba la shah ia ki ophisar kiba la poi ha ka kyrdan Grade – I ba kin leit da ka Aeroplane haba ki leit shah sumar shabar ka jylla.
Kakum ka Rule No.32 jong ka Meghalaya Travelling Allowance Rule 1985 ryngkat ka jingpynbna kaba la tip kum ka Office Memorandum kaba la mih ha ka 25/Nailar/2003 kumta la pynbna ba ia ki ophisar kiba hap ha ka kyrdan Grade – I.
Da kane ka jignpynbna sorkar la shah ia ki ba kin leit bad wan da ka aeroplane kumjuh ruh na ka bynta ki ophisar ba la shongthait ha ka kyrdan Grade – I bad kine kim donkam ban ioh ia ka jingbit na ka tnad pla pisa ka sorkar.
Katkum ka jingpynbna sorkar kaba la pynmih ha ka 30/Risaw /2026 ka jingkam ia ka bai leit bai wan ka bai sumar shabar ka jylla na ka bynta baroh ki nongtrei sorkar kynthup ia kiba la shongthait ha ka por ba ki ai ia ki bill ki dei ban da kdew shai ia ka tulop kaba ki ioh nalor kiwei kiwei ki kot jingdonkam kaba ki dei ban suh lang.
