Shillong, Naitung 31: Mynta ka sngi u nongbishar ba rangbah ka High Court Meghalaya u Justice Indra Prasanna Mukerji u la pynsmai ia u Justice Biswadeep Bhattacharjee kum u nongbishar ka High Court Meghalaya ha Raj Bhavan Shillong.
Ha kane ka jingpynsmai la don lang ruh ki heh sorkar jylla Meghalaya kum juh na ki ophisar jong ka High Court Meghalaya ban ia sakhi lang ia kane ka jingpynsmai ia u Justice Indra Prasanna Mukerji kumjuh kiba ha iing ha sem jong u.
U nongbishar Justice Biswadeep Bhattacharjee u la pyndep ia ka B.Com na NEHU 1989 ha dien katta u la pule ia ka LLB bad sdang ban long kum u muktiar ha u snem 1993, u la long kum u muktiar ka sorkar naduh u snem 2002 haduh 2012.
Naduh u snem 2018 u la shah thung kum u Additional Advocate General ka sorkar Meghalaya haduh ban da shah thung kum u nongbishar ka High Court Meghalaya, la ithuh ia u kum u nongbishar bala rangbah ha HCM ha u snem 2021 bad ha u snem 2023 la pynsmai ia u kum u nongbishar symbut bad mynta ka sngi la pynsmai kum u nongbishar ka HCM.
