Shillong, Jylliew 26: Ka tnad ka koit ka khiah bad ka jingbha jingmiat jong ka longiing kan sa pynlong iaka National Immunization Day (NID) 2026 kaba hap hapoh ka Pulse Polio Programme ha East Khasi Hills Distrik ha ka 29 tarik Jylliew 2026, kaban bud da ka jingwad ba ar sngi ha man ki thliew iing briew.
Baroh ki khynnah ba don 5 snem shapoh, yn ai dawai polio da kaba pyndih na ka shyntur bad pyn jaw iaka dawai polio bad baroh kane, yn sa pyn thikna ba ym don kino kino ki khyllung khynnah ba duh ia kane ka dawai polio.
La kyrpad ia baroh ki kmie ki kpa ba kin ialam iaki khun jong ki ba hap hapoh 5 snem ka rta ba kin wan ai dawai polio iaki khun jong ki ha ki jaka ai dawai polio ha ki shnong jong ki.
Ka tnad ka koit ka khiah bad jingbha jingmiat jong ka longiing ka ka kyrpad ruh iaki rangbah shnong, ki NGO, ki nongialam niam bad ka kynhun ialam iaka imlang ka sahlang ba kin iatreilang ban iaid beit iaid ryntih kane ka prokram.
