Shillong, Kyllalyngkot 06: Ka jingiaknieh tiket na ka Congress hapoh jong ka Langrin MDC Constituency ka long kaba jur bha hapdeng u MDC ba mynta u bah Manstudy Nongrem bad u president ka HANM u bah Lamphrang Kharbani.
Na ka liang jong u Bah Lamphrang haba kren ha u SP News Agency u la ong ba u long ba la kloi ban ia khun ia kane ka MDC election lada ka seng Congress ka ai tiket ia u na katei ka jaka kumba la thrang da ki paibah.
Kumba ka long mynta na ka liang jong u Bah Nongrem u ba dei u MDC ba mynta bad u ba la long teng u CEM jong ka KHADC u dang ioh ia ka jingkyrshan na ki ba bun ki paidbah bad kane ka jingiakam kaba mar kylliang ha pdeng ki tei ki arliang mamla ka la buh ia ka seng Congress ha ka jingeh ia no un ai tiket.
Katkum ki tyllong khubor kiba ia jan bad ka seng Congress ki iathuh ba ka long kaba eh ban pynduh tiket ia u MDC u ba dang don ha ka bor , hynrei ka shong ruh ha ki unit jong ka seng ba kin pynpaw ia ka jingkwah ka jong ki hynrei ka rai kaba khatduh ka long ha ki nongialam jong ka MPCC ki ban rai ia ka tiket.(SP News)
