Shillong, Nailur 02: Ka jingkilan met kaba khatsaw hapdeng ki shipai ka Ri India bad Thailand ka ban long khatsaw sngi lynter kala sdang mynta ka sngi ha Umroi Regiment Ri Bhoi District ka jylla Meghalaya.
Kane ka jingpynlong ia kun kane ka jingkilan met ha pdeng ki kynhun shipai ka Ri India bad Thianland ka dei namar ba kine ki ar tylli ki ri ki don ka jingiajan kaba jan bad ka jingiasngewthuh jingmut ha pdeng ki shipai ka Ri India bad ka kynhun shipai Royal Thai Army.
Ha kane ka jingkilan met ka kynhun shipai India kala phah 120 ngut ki shipai ban ia shim bynta ha kane ka jingiakilan met lang bad na ka liang ka ri Thianland kala phah 53 ngut ki shipain na ki ar tylli ki kyndhun na ka 1st Infantry Battalion, 14th Infantry Brigade.
Kane ka jinghikai ka long ba, kumno kin ia khun pyrshah ia ki kam lehnoh lada jia ha ki jaka bala sdang long sor, katkum ki kyndon kiba la buh da ka United Nations Charter ha ka kyndon kaba VII, nalor kitei ki don bad kane ka jinghikai kan long 48 kynta lynter.
Ia kane ka jingkilan met la khot da ka “Maitree” ia kaba la sdang ha Thainland ha u snem 2006, kane ka jingbteng ia ka jingiakilan met lang ka dang pynskhem shuh shuh ia ka jingaijan ha pdeng kine ki ar tylli ki ri.
