Shillong, Risaw 09: Ka seng Hills Farmer Union (HFU) mynta ka sngi kala leit ban ia kynduh ia u myntri ba dei peit ia ka Rep ka Riang u Timothy D shira ,ha kane ka jingiakynduh ki nongialam ka seng Nongrep kila ai da ka jingthoh ha kaba iadei bad ki jingdonkam jong ki nongrep.
U president ka seng u bah Comander Shangpliang haba kren ha ki lat Pathai khubor hadien ka jingiakynduh ia u myntri ka Rep ka Riang, ula ong ba ka mat kaba ha khmat eh kaba kila ia kren ka long ba ka sorkar kan pynbiang ia ki symbai kiba bha.
Ha kane ka jingiakynduh la kyntu ruh ia u myntri ba dei peit ia ka tnad ka Rep ka riang ban buh ia ki lat jingiada ia ki nongrep ha khappud ka Assam ba kin lait na ka jingshah pyndik ha ki riew sniew,bad na ka liang ka seng kala kren shai ba ia ki mar rep da lei lei ym bit ban ban shim khajna.
Ha kane ka jingiakren kum ka seng kala pynsngew, ba dei ban pynbiang um ha ki jaka rep khnang ba ki nongrep kin ioh ban rep baroh shisnem lynter,ia kane ka bynta u myntri ula ong ba ban pynbiang ia ka um kadei ka bynta jong ka tnad pynneh pynsah ia ki um ki wah bad ula kular de ban ia kren bad katei ka tnad sorkar.
U President ka seng HFU u la ong ba ka seng ka pdiang sngewbha iano iano ruh haba ki kren na ka bynta ka jingeh ki nongrep, ka seng ka kwah ba ka sorkar kan pynbiang ia ka jingodn kam jong ki nongrep ka jylla.
