Shillong, Risaw 09: Ka Tnad Statistics and Programme Implementation ka la pynlong ia ka Special Campaign 5.0. Ki bynta ba kongsan jong ka Campaign ki kynthup ïa ka jingpynbeit bhaïa ki jingeh jong ki paidbah, ki jingkren na ki dkhot jong ka Ïingdorbar Parliament, ki jingpynthikna jong ka Ïingdorbar Parliament, ka jingpynkhuid ha ki jaka trei bad sawdong ka jaka, ka jingpynkhuidïa ki jaboh bad ka jingpynkhuidïa ki phail.
Ia kane ka Campaign la sdang da ka bynta ba pynkhreh naduh ka 15-30 tarik u Nailur 2025 ban ithuh ia ki thong ban shim na ka bynta ban pynkhuid ha ka por ba pyntreikam kaba sdang naduh ka 2 tarik u Risaw 2025 haduh ka 31 tarik u Risaw 2025.
Ha kane ka Campaign, ka NSO(FOD) Regional office Shillong, la ban jur ia ka jingpyniaid bad jingpynbha ia ka jaka treikamha ki ophis ryngkat bad ka jingpynitynnad ia ki ophis bad ka jingkhuidjingsuba.
Kum shibynta jong kane ka Special Campaign 5.0, ka National Statistics Office, Field Operations Division, Regional Office Shillong ka la pynlong ia ka prokram jingpynkhuid ha kylleng ki bynta jong ka Ward’s Lake ha ka 09 tarik Risaw 2025 ia kaba la aiti ha u RO Shillong.
Kum shi bynta jong kane ka campaign la pynlong ruh ia ka jingpynkhuid ia ka ophis bad ki jaka treikam ha ka NSO (FOD) RO Shillong, ha kane ka campaign; la pynlong ruh ka jingpynkhuid ia ki file, ka jingpynkhuid ia ki jaboh& ki tiar ba la duh.
Ha kane ka prokram la ïashim bynta shitrhem da ki Ophisar bad ki nongtrei jong ka ophis jong ka NSO (FOD) RO Shillong ryngkat ka thong ban pynlong ïa ki sawdongsawkun jong ka ophis bad ka thaiñ Shillong kum ka jaka kaba khuid.
