Shillong, Kyllalyngkot 14: Ka Khasi Student Union (KSU) jong ka Mawlai Umjaiur ha ka sien kaba saw ka la sam ia ka Maitshaphrang Award 2013 kum shi bynta ban pynshlur ia ki khynnah ba ki dang pule sha khmat ia ki jingpule mynta ka sngi ki la pynlong ia ki jingai khusnam ia ki khynnah kiba la pass bha ha ki eksam bapher bapher ha kane ka sngi pynkup burom ka KSU ka la noh synniang ruh da ka pisa ruh sha kito ki long iing kiba duk kum shi bynta ban iarap ia ka bai skul bad na ka bynta ki khunswet.
Haba ai jingkren kum u kongsan u Bah Embhah Syiemlieh uba dei u MLA bad MDC jong ka Mawlai ula ong wat la seng KSU ka bun kam bha mynta ki por ha ka jingkhih ia ka ILP na ka bynta ka daw bah jong ka jaitbynriew ban pynioh ia ka hok ha la ka jong ka bri u hynriewtrep na ka jingma ba jingitrem ia ka jing wan hiar thma jong kiwei pat ki jait bynriew kiba thmu ban iuh roit ia ka jait bynriew ritpaid jong ngi,ngi dang donbok shibun ba ngi da don ki KSU bad kiwei pat ki seng bhalang kiba iarap ban tynrong ia ki jingeh bad iada ia la ka jong ka jaitbynriew jaitbynriew lymda ym don ma ki ban ialeh shaei ka lawei jong ka jait bynriew.
Wat hapdeng ka jingbun kam jong ki ha kine sngi hynrei ki khlem klet pat ia ki khynnah kiba la ialeh shitom ha ki eksam jong ki bad ban pynkup burom ia kito ki khynnah kiba la trei shitom ha ki eksam kum ban ai mynsiem ia ki ba kin nang iai trei shitom na ka bynta ban wanrah ia ka nam bad ka burom jong ka ri bad ka jaitbynriew.Ki khynnah ki dei ka lawei jong ka ri bad ka jaitbynriew ki long kum ki syntiew ba sara ban pynphuh pynphieng bad ka jingkyrmen ia ka jaitbynriew lada ki khun ki bhabriew ka jingsarong ia ki kmie ki kpa,ka jingnang jingstad ia ka jingsarong ia ka jaidbynriew bad ka jinglong ba don burom ka long ka jingsarong ia ka iing ka sem bad ia ka ri bad jaitbynriew bun kiba nang ba stad namar ba bun ia ki kam
Ha kane ka jylla bun na ki kam kiba heh kum ki IAS la pyniaid da ki briew kiba na ri thor hynrei lada ngi don da ki briew lajong kin kham sngewthuh ban kit na ka bynta ka khia ka shon jong ka ri bad jaitbynriew balei ngin ai lad ia kiwei pat ki jait bynriew kin pyniaid ia ngi kumta ngi donkam bun ngut khang ba kan long ka jingshngain ia ngi
Ka Mawlai kat dang mih u snem ka la nang paw ha ki jingpule ha kaba ki khynnah ki la nang kiew ha ki jingpule bad mynshem snem ki khynnah jong ka Mawlai ki la don ha ka top 20 ha ka SSLC eksam to ai ba kine ki khynnah kiba wan sha khmat kin long ka nong muna ia kiwei pat ki khynnah kiba dang ialeh ha ki eksam bapher bapher jong ki,ki ban dang ialeh ha kine ki bnai kiba dang wan, hynrei sngewsih pat ha u snem 2012 ki don haduh 14- 15 ki ba la ioh pdiang ia ka khusnam hynrei ha u 2013 ki don tang 5 ngut kiba la ioh pdiang ia kane ka khusnam ki kmie ki kpa ki dei ban shim khia ia la ki jong ki khun ha ka ban iarap ia ki na ka bynta ki jing pule na ka bynta ka lawei ba phyrnai ki khun namar ha ka jingim ki briew.
Wat lada kito ki bym ioh ia ka khusnam mynta u snem kim dei ban duh jingkyrmen hynrei kin ialeh ban trei shitom ha kaba ki sa ioh ia kum kane khusnam ha kiwei pat ki snem
Kiba la ioh ia ka 4th Mait Shaphrang Award 2013 ki long, Badahunshisha Mawrbaniang cl- VI Sacred Heart Girls HSS 81%, Orson Nevile Kharlukhi Cl-VII Sacred Heart Boys HSS 94%, Banpynshai Jyrwa cl-VIII St Albert’s Secondary School 92.5%, Lili Kharthangmew cl-VIII St Joseph’s Girls HSS 88.2% bad KA Alleen Dolly Kharlyngdoh cl-VIII Synod HSS 81.1%.
Umjaiur Marathon; Men Senior 1. Dashanskhem Nongkynrih, 2. Balajied Kharsati bad 3 Donborson Warjri lem bad 2 ngut ki consolation prize. Katba ha ka Women Senior Categories: D Diengdoh, 2. J Jyrwa bad 3 ka Ibadahun Sohtun bad 7 ngut ki consolation prize. Katba ha ka Men Junior la ioh da u Nangsan Arted Kharumnuid, Saindurlang Kharjarin bad Damon Kharsati lem bad 2 ngut ki consolation. Katba ha ka Junior Girls la ioh da ka Lahunshisha Nongsiej, ba ar Banylla Nongkynrih bad ba lai ka E Dkhar.
Ha kane ka sngi la ia don ryngkat lang President ka seng kmie umjaiur i kong ki dkhot Mersha Syiem ki dhkhot ka seng KSU Seng kmie bad ki dkhot ka Seng jong ka Unit.(SP News)
