Shillong, Kyllalyngkot,16: Ka jingialang jong ka National People’s Party (NPP) kaba la long ha shnong Nongnah ha ka 4 tarik mynta u bnai ka la rai ban khylliap pyrda noh shwa ia mynta shipor ha kane ka elekshon MDC. Halor kane ka nongrim, kane ka jingialang ka la wer ka la khot ia ki nongkyrshan ka Party NPP ba kin ai noh ia ka jingkyrshan ia u Bah A. Diengngan uba dang ap ia ka tiket na ka United Democratic Party (UDP), uba ha kajuh ka por u la pynpaw ba lada ka UDP kam ibit ban ai tiket ia u, un pynkhreh ruh ban mih madan kum u Kyrtong Shimet.
U Bah Diengngan u la ioh ia ka jingkyrshan kaba radbah na ki nongialam kum u Bah S.S Lyngdoh, uba long u Vice President ka NCP, West Khasi Hills District naduh u snem 2008. Une u rangbah u la long ruh u nongkyrshan ia u L.A Sangma kum u kyrtong ka NCP na Ranikor Constiteuncy. U Bah Lyngdoh u la long ruh u General Secretary ka NPP, Ranikor Block Unit ban kyrshan ia u Bah Cornelius Nongbri.
“Namarba ka Executive Committee jong ka NPP kaba la long ha ka 12 tarik, jong u bnai baladep, ka la rai ban ym pynieng kyrtong na kane ka Constituency bad hadien kane la rai ban khylliap lama shwa ia ka NPP ha Ranikor na ka bynta ka elekshon MDC.(SP News)
