Shillong, Rymphang 06: Ka North East Media Summit kaba ar sngi kaba la pynlong da ka Manipalhospital ha Kolkatta kala kdew shai ba ha ki bynta mih ngi jong ka Ri India ki jaka sumar kila biang ha kane ka hospital bad ki tiar sumar briew kila don lut naduh Robotic Syrgery.
Ha ka sngi kaba ar jong kane ka jingiakynduh lang ki nongthoh khubor na North East, u Madhu Gopal, la ong ba kane ka jingpynlong ia kane ka jinialang kaba ar sngi ka long ban pyntip lem ba kane ka jaka sumar ha bynta mih ngi jong ka Ri India kila biang lut kor ki bor ban sumar.
Kumba ka long mynta ka Thain shateilam mih ngi ka Ri india ka don ia ki doktor kiba tbit hynrei ka jingeh na ka bynta jong ki ka long ba kim pat biang ki kot ki bor katkum kane ka juk kaba mynta bad ka jingdon ia kine ki kor kibor ha Kolkatta kan pynjan ia ki briew ka North East ban ioh ia ki jingsumar kaba kham kloi.
Ha kine ki ar sngi jong ka jingiakynduh lang ki nongthoh khubor la ialam sha ki jaka ba don ki kor ki bor katkum kane ka juk stad kaba mynta, bad ki kor ki bor kiba la thied kim dei na China hynrei ki don na Ri Europe, kane ka long ban pynthikna ia ka jingbiang ki kor kibor.
Kum ba ka paw mynta ki briew kiba wan sumar sha kane ka Manipalhospital na ka thain shateilam mihngi ka Ri India kila dan ia bun namar kala pynjan ia ka leit ka wan, khamtam ia kito kiba shitom shngeh ba tuid kynsan ka snam kaba la tip kum ka Stroke.
