Shillong, Rymphang 18: Ka seng Congress kala pynbna ha ka 17 Rymphang 2026 ha ka jingialang ka party ha Umdihar ha Ri Bhoi District ba kin pynlong ia ka jingiakhi ha nongbah Shillong ha ka 20 Rymphang 2026 ban pyrshah ia ka jingleh ka BJP ban pynkylla ia ka skhim bylla shispah sngi ka MGNREGA sha ka VB G RAM G kumta la khot la were ia baroh ban ia shim bynta ha kane ka jingiakhih ban leit tur sha Secretariat.
U President ka MPCC u bah Vincent H Pala haba kren sha ki nongkyrshan ka party ha kane ka jingialang u la ong ba ha dien ba u President ka party u Dr. Clestine Lyngdoh u la leit noh sha ka Paradise la ong ba kin ia ap katto katne ban peit mano ban leit bud, hynrei sngewtynnad ba dang ia bun katne kiba dang sah ha ka party.
U bah Pala u la ong ba ka jingkhot ia kane ka jingialang ka long ha ki lai bynta Kaba nyngkong kadei ka jingjied iaki Nongkitkam jong ka Seng Congress ha Ri Bhoi District bad kaba ar ka dei halor ka Skhiem VB G RAM G ha kaba ka Seng BJP bala lamkhmat iaka Ri India kala pynduh pyndam noh iaka Skhiem MGNREGA kaba dei ka Skhiem jong ki Nongbylla kaba 100 sngi bad kaba lai ka dei halor ka jing pyrshah iaka Skhiem VB G RAM G.
Kane ka jingiakhih ka long ban pynsngewsha ka sorkar jylla bad ka ban pynsngew sha ka sorkar pdeng, Ha kane ka sngi la don lang ruh ki nongialam jong ka MPCC bad ki nongialam na ka Ri Bhoi District jong ka party Congress ban jied ia ki nongkit kam kiba thymmai ban pynklain ia ka party ha Ri Bhoi District.
