Shillong, Jymmang 4: Ka tnad pulit jong ka East Khasi Hills District bad ka tnad kem kyiad ka sorkar jylla kila pynlong ia ka jingkhynra ia ka jingdie kyiad beain ha Stand jeep, Polo bad Umkaliar, ha kane ka jingkhynra la ioh ban kurup 600 litar ka kyiad phareng.
Ha kane ka jingkhynra na ka liang ki pulit la lam khmat da u symbud superintendent ki pulit ka East Khasi Hills u Saurav Saini IPS, ka kong Jyoti Wahlang MPS, kaba dei ka deputy superintendent kaba dei na ka liang ki kynthei kila ia don lang ha kane ka jingkhynra.
Ia kane ka jingkhynra la pynlong ha ka miet sngi Saitjain mynta u bnai Jymmang bad ki pulit kila ioh ban kurup ia ka kyiad phareng na kitei ki lai tylli ki jaka Polo,Stand jeep bad Umkaliar, baroh ka kyiad kaba la ioh ban kurup kala kot sha ka 600 litar bad hadien ba la pyndep ia ki kyndon la aiti noh sha ka tnad kem kyiad ka sorkar jylla.
