Shillong, Jymmang 07: Mynta ka sngi 7/Jummang/2026 ki khun ki hajar jong ka Hima Sohra palat hajar ngut kila leit ban tur sha ophis ka Khasi Hills Autonomous District Council ban dawa ba ka dei ban ai noh ia ka sanad ia u Syiem Maremdor Syiem ba la jied da ka hima u ba la pyndep ia ka niam thung syiem.
Ha kane ka jingleit tur sha KHADC kila sdang ia ka jingialum paidbah ha Umsherpi bad na katei ka jaka kila iaid paidbah bad poi haduh phalor jong ka District Council ha ryngkat ka jingrah ia ki plakard kiba thoh ban dawa ban ai sanad ia u syiem bala jied da ka hima.
Ha kawei na ka jingthoh, la thoh ba ka hok thung syiem ka dei jong ka hima Sohra bad ka District ka dei ban ai noh ia ka sanad, kawei pat la thoh ka long ka pap ban beiriti, hei wat leh ia kane ko Executive Committee.
Ha kane ka sngi la pynlong ia ka jingpyrta ruh ba ka Hima kala dep ban jied ia u Syiem ka dei ka kamram jong ka District ban ainoh ia ka Sanand bad kane ka jingwan tur jong ki sha KHADC ka long ba kila ap la bun bnai hynrei ka KHADC shym la ai ia ka sanad.
Kane ka jingwantur mynta ka dei ban dawa na ka Executive Committee ba kan ai noh ia ka sanad sha u syiem kaba ka hima kala jied bad la pyndep ia ka niam ka rukom katkum ki riti dustur ka hima Sohra.
