Ampati, Jymmang 22: Ia ka jingialang bad ka prokram ba la ithuh ha ka pyrthei baroh kawei, ba la tip kum ka IEC Campaign “Jan Bhagidaari – Sabse Door, Sabse Pehle”, la pynlong mynta ka sngi ha DRDA Conference Hall, Ampati.
Ia katei ka prokram, la pyniaid da ka State Rural Employment Society (SRES), South West Garo Hills, hapoh ka jongpeit jong ka Community & Rural Development Department, Government of Meghalaya, kum shi bynta jong ka jingialang pynshai paidbah kaba la pynlong naduh ka 18 tarik haduh 25 tarik, Jymmang 2026.
Kane ka jingialang ka thmu ban batai halor ka skhim ka bha ka miat jong ki nongshong shnong kane ka jaka bad pynkhlain ka jingiashim bynta lang ka imlang ka sahlang, ka jingpyntip paidbah bad ka jingiatylli jong ki kam pynroi ha ki shnong DA-JGUA ha kylleng katei ka distrik.
Ha ka por ba pynlong ia kane ka jingialang, ia ka Beneficiary Saturation Camps ne ka camp ban pyntikna ba baroh kiba dei hok kin ioh jingmyntoi, la pynlong ha baroh ki shnong ba la ithuh.
Ia kane ka jingialang, la pyniaid da u R.Z.D. Shira, MCS, Project Director bad Additional District Programme Coordinator, SRES-DIS, South West Garo Hills.
Katba ki nongmihkhmat ha ki bynta bapher bapher ki kynthup ka tnat ka koit ka khiah, ka rep ka riang, tnat pule puthi, ICDS, MBDA, NRLM, PWD, PHE bad kiwei kiwei ki tnat kiba iashim bynta lang ha kane ka prokram.
Ha ka jingialang, ki ophisar ka sorkar ki la iamir jingmut halor ki lad ki lynti ban pynurlong bha ia ki skhim pynroi bad ki kam pyntip paidbah sha ki shnong jong ki riewlum kiba jngai.
La pynshong dor ha kaba pynthikna ba ki briew kiba dei hok kin ioh baroh ia ka jingiarap lyngba ki jingpynshai paidbah, ka jingiasnohkti, bad ki jaka pynkylla pyndap.
Ki ophisar ki la pynpaw biang ruh ia ka jingdonkam ka jingiatylli hapoh ki tnat sorkar bapher bapher bad ka jingiasnoh kti jong ki shnong ki thaw ban pynthikna ia ka jingsiewspah bad ka jingtbit ha kaba pyntyllun ia kine ki skhim na ka bynta ka bha ka miat jong ki paidbah ha ka district.
