Shillong, Jymmang 23: Ka Election Commission jong ka Ri India (ECI) kala pynbna ban pynlong ia ka MP elekshon sha Rajya Sabha na ki 10 tylli ki jylla ha ka Ri India kiba don 24 ngut ki MP kiba ka samoi trei kam jong ki kala kut kynthup ia ka jylla Meghalaya.
Katkum ka jingpynbna ka ECI ka jingpynbna ia ka elekshon kan long ha ka 1/Jylliew/2026, ka tarik ban thep kyrteng khatduh kan long ha ka 8/Jylliew/2026, ban peit bniah ia ki kot thep kyrteng kan long ha ka 9/Jylliew/2026, ka tarik ban weng na ka jingiakhun kan long ha ka 11/Jylliew/2026 bad ka sngi ban thep vote kan long ha ka 18/Jylliew/2026 bad ka jingniew ia ki vote kan long ha ka juh ka sngi.
Kane ka jylla Meghalaya kaba don tang u wei u MP sha Rajya Sabha kaba la mih khmat da u Dr. Wanweiroy Kharlukhi ka samoi jong u kala kut bad mynta ka jylla kan sa jied thymmai ia u MLA da ki 60 ngut ki dkhot ka iing dorbar thawain ka jylla.
