Shillong, Jymmang 28: U President jong ka party UDP u bah Metbah Lyngdoh mynta ka sngi ka 28/Jymmang/2026 la ong ba ka party kala jied ia u bah Vivanstone G Kharngap Kynta ban long u kyrtong namar u long u ba dei eh na ka bynta ka kam MP sha Lok Sabha ban ia sait ia ka jylla ha katei ka dorbarah.
Haba kren ha ki lat pathai khubor u bah Metbah la ong ba lada peit ia ka elekshon MP 2024 la I kumba ym nud shuh ban ia khun ia ka elekshon hynrei tang ha dien shisnem ki paidbah kila sdang wan phai biang sha ka party bad kane kala paw shai ha ka MDC elekshon ha u snem 2025.
Kum ka party ka jingioh ia ki vote kala kiew ban ia kaba ki ioh ha ka MP elekshon, ha KHADC kila jop san ngut ki MDC, ha ki saw tylli ki konstitwensi kila wan ba ar bad ha Jaintia hills kila jop lai ngut ki MDC bad kane ka kren shai ba ki paidbah kila wan phai.
Haba ia dei bad ka Regional Democratic Alliance u bah Metbah u la ong ba na ka liang jong ka party UDP bad ka HSPDP ia don ia ka mynsiem jong ka jingiatrei ryngkat ha ki liang baroh na ka por sha ka por.
U bah Metbah la ong ha kane ka kynti kaba mynta ba ia dei bad kane ka elekshon MP shiteng samoi sha Lok Sabha na ka liang jong ka HSPDP namar ki daw hapoh ka jong ka party kim pat lah ban ai ia ka rai na ka bynta kane ka elekshon shiteng samoi kaba mynta la kin ia don bynta ne em, ia kane ki ieh noh ha ka HSPDP ia kaei kaba kin sa ai jingtip.
