Shillong, Jymmang 28: Mynta ka sngi ka 28/Jymmang/2026 u President jong ka United Democratic Party u bah Metbah Lyngdoh u la pynbna ia ka kyrteng jong u bah Vivanstone G Kharngap Kynta ban long u kyrtong ka party ban ia khun ha kane ka MP elekshon shiteng samoi sha Lok Sabha na ka 1-Shillong (ST) Parliamentary Constituency.
Haba pynbna ia ka kyrteng u bah Kynta ha ophis jong ka party u President u la ong ba u sngewbha ban pyntip ha ki nongkyrshan ka party bad ki nongthep vote baroh jong ka 1-Shillong (ST) Parliamentary Konstitwensi ba kum ka party ha dien ka jingiakren kaba bniah kila shim ia kawei ka rai ban pynskhem ia ka jinglong kyrtong naka party UDP ia ka kyrteng u bah Vivanstone G Kharngap Kynta.
Ha ka jingkren u bah Kynta ha dien bala pynbna ia ka kyrteng jong u kum u kyrtong ka party UDP la ong ba u don ia ka jingmut jingpyrkhat kum u Riewlum bad u sngewkmen ban ioh ia kane ka lat ban ia khun ia kane ka elekshon MP shiteng samoi na ka party UDP namar ka dei ka party kaba mihkhmat ia ka jaidbynriew bad khmih lynti ba ha u snem 2028 un ioh ia la lat ban synshar.
Ha kane ka sngi u la kyntu ia ki MLA ki MDC jong ka party haba ki leit ban kanbas sha ki shnong ki thaw wat ong ba un jop ma u hynrei khein ba kan jop ka party bad mynta ka por kala dei ban kamai spah kamai phew na ka bynta ka jaidbynriew.
