Shillong, Jymmang 31: Ka Khasi Students’ Union Tyrso Unit ha ka 30/ Jymmang/ 2026, hadien ba ioh ki jingujor na ki paidbah halor ka jingjia accident ka ba iai jia man ka por ha ki thain Tyrso ka la mih shakhmat ban maham tyngeh ia kito ki briew ban pynher sted ia ki kali Jong ki .
U samla Playerfull Mashli President KSU Tyrso unit u la bthah ia ki draibar ba kin niah Suki naduh mynta sha khmat bad Maham ia ki driver kiba kamai ha ki thaiñ Tyrso ne kiba wan sha ki thaiñ Tyrso ba kim dei ban niah sted palat ia ki kali khamtam ha ka por ki khynnah skul ki dang wan school bad ha ka por ba wai skul.
Ka KSU kala buh ba kidei ban niah ia ki kali ha ka jingsted kaba 30 km bad halor Kane ka jingmih khubor lada lap ba dang don ki ba leh pyrshah ka seng kan leh da kaba tyngeh bad pynshitom wat ban ai sha ki bor jong ka aiñ.
Ka seng ka kyrpad ruh ia ki paitbah lada ki lap ba ki driver ki pynher sted dei ban pyntip sha ka seng, bad na ka liang jong ka seng ka kyrpad ruh ia ki nong niah kali ba kin ai ka jingiatrei lang khnang ban wanrah jingsuk hapoh shnong Tyrso area hi baroh kawei.
