Shillong, Jymmang 31: Ka seng Confederation of Ribhoi People (CoRP) ha dien ba ka seng kam don shuh ia ki nongialam kiba thikna ha ka 30/Jymmang/2026 kala leit ban pynthymmai ia ki nongkti kam na ka bynta ka samoi trei kam 2026-2029 da u president ka seng u bah Markus Makri.
Ha kane ka jingpynthynmai ia ki nongkit kam u bah Romiwel Syngkli u la shah jied kum u President Sumar Lyngdoh kum u President bad u bah Romiwel Sungkli kum u General Secretary bad kiwei kiwei ki nongkit kam ka seng ha Ri Bhoi Sepngi.
U bah Pateng Myrsing ha ka jingkren ka jong u, u la ong ba kum ki seng bhalang kim dei ban don ka jingsngewpher la ki don ha kano kano ka seng hynrei ki dei ban trei iaka bha ka miat jong ka ri bad ka Jait bynriew hi baroh kawei.
U la ong ba mynta ki por ki seng bhalang ki shah kynthoh da kumne kumtai bad kum ki seng bhalang ki shah kynthoh namar don ki seng kiba pyrkhat naka bynta ka jing myntoi shimet hynrei ka CoRP kan trei naka bynta bha ka miat bad khamtam hapoh ka Ri Bhoi ban iada ia u pud u sam.
Ha kane ka sngi ia ka jingialang la pynlong ha ka iing dorbar jong ka shnong Jirang ha ryngkat ka jingdon lang ki dkhot ka seng kmie ban nalor u president bad secretary ban pynshngian ha katei ka seng ba pynthymmai ia ki nongkit kam na ka bynta kane ka samoi trei kam 2026-2029.
