Shillong, 13, Jylliew: Ka sorkar ka la thung ia u Lieutenant General Dhiraj Seth, PVSM, UYSM, AVSM, uba la bat mynshuwa iaka kam kum u Vice Chief jong ki shipai, mynta kum u khliehduh ban wan jong ki shipai naduh ka 30 tarik, Jylliew 2026. Katba u khliehduh jong ki shipai, u Upendra Dwivedi, PVSM, AVSM un shongthait na ka kam ha kane kajuh ka sngi.
Haba kren shaphang jong u Lieutenant General Dhiraj Seth, u dei uba la pule ha National Defence Academy, Khadakwasla bad u la don ha Armoured Corps ha u Naiwieng 1986.
Ha ka kam kaba u la trei mynta la don sawphew snem, hynrei u don ka jingsngewthuh bad ka jingtip kaba jylliew ha kaba iadei bad ka pyntylli, ka thong jngai, ka pynjanai iaka bor, bad ka pyniaid pyrkhat. Kane kala kyntiew shibun iaka bor ialeh thma bad ka jingkylla thymmai jong ka Indian Army.
Une u shipai rangbah u la trei ha bun jaka bad ki kynthup iaka kam ha Armoured Regiment ha ki jaka shyiap, u la long kum u Armoured Brigade ha Western Theatre bad u la iakhun thma ruh ha Jammu & Kashmir.
Kum u Lieutenant General, u la pyniaid iaka Sudarshan Chakra Corps, kawei na ki kynhun ialeh thma kiba kongsan eh jong ka Indian Army.
U la bat iaka kam ruh kum u General Officer Commanding, ha nongbah Delhi, da kaba khmih bniah ia ki kam shipai ka ri bad ki ri nongwei, ryngkat ka bynta ban pynlong iaki prokram haka por kaba la buh.
Ha ka por jong ka Army Commander, une u ophisar u la bat iaka kam ban hukum iaka thain shatei sepngi bad ka lam shatei, ha kaba u la ioh ban hukum ia ar tylli ki jinghukum shipai ne Army Commands bad u la pyniaid iaki bynta jong ka kam ba kongsan tam palat ar snem shiteng.
U la bat iaki kyrdan ne ki kam ba kongsan bad ba kynthup lang iaki nongiarap ba pawkhmat kiba la pynkylla bad ktah jur iaka rukom pynkhreh kam, ka jingpyniaid iaka kynhun ki shipai bad ka jingpynioh bor thymmai ia ka sap ka phong.
Une u shipai u la pawnam na ka bynta ka jingnoh met bad mynsiem jong u iaka kam shipai, ha kaba une u ophisar General u la bat iaki kyrdan bad ki kam kiba donkam tam hapoh ka ophis pdeng ki shipai, kiba dei peit iaka thmu lypa iaka lawei ka iada ri bad ka pynbha ne pynioh iaki tiar ki tar bad ki bor kiba thymmai., da kaba pynwandur iaka roi ka par bad kiwei kiwei.
Ki jingnoh synniang jong u kila long kiba kongsan ban pynbeit iaki jingdonkam ha ka kam bad ki teknoloji ba paw thymmei bad ki jingdawa ne ki kyndon jong ka thma ha ka lawei.
Kum u shipai, u Lieutenant General Dhiraj Seth u la pyndep iaka jingpule ha ka kam shipai, da kaba ioh bat iaka kyrdan ba nyngkong ha ki lad jinghikai.
U la pyndep iaka jingpule jong ka kyrdan Bachelor of Arts ha ka Higher Command Course bad National Defence College bad u la iadon bynta ha ka jinghikai ba don burom jong ka Command bad Staff Course ha Paris, da kaba pyni iaka jingpyrkhat jngai ne jingiohi jngai jong u bad ka jingsngewthuh iaki kam iakhun thma kiba mynta.
