Shillong, Jylliew 14: Ka Education Cell iong ka Jaiñtia Students’ Union (JSU) Central Body da nam 1st Prof. Barrister Pakem Academic Excellence Award ha ka 13/6/2026 kala pynlong ia ka jingpynkup burom ia ki 80 ngut ki samla pule ha District Library Auditorium, Jowai.
Kine kiba la shah pynkup burom dei kito kiba la pass bha ha ka eksamin SSLC, HSSLC, ki Gold Medalist wa ki Ph.D. ia ki khusnam la sam da u myntri ka tand pule puthi ka jylla u bah Lahkmen Rymbui kum u kongsan ha kane ka sngi ha kaba u la pynpaw ia ka jingkmen ban ioh ia ka jingkiew ki samla pule.
Ha kane ka sngi la don lang u Dr. Dr. Didakamiwan Khonglah khun jong u Prof. Pakem bam kwai ha dwar u blei, Prof. Henry Lamin Ex-Pro VC ka skul bah NEHU ha ka jingiadon lang ki MDC ki ophisar bad la pynphuh ia kane ka sngi da ki jingrwai na ki samla ka Elev8 Choir.
Na ka liang jong ka JSU ka pynsngew ba kin pynlong ia kane ka jingai khusnam kan long man u snem ban pynshlur ia ki khun samla ban kin trei shitom ha ka pule puthi bad ban kyntiew ia ka imlangsah lang, ia ka jingialang la pyniaid da u bah T. Suchen, General Secretary barim ka JSU.
Kane ka jingpynkup burom kala long kaba jop da ka jingiatreishitom ki nongkit kam ka seng JSU na u Education Secretary u samla Khynroo Bocheru Mi Pohsnem, ka jingkyrshan y president u samla kynroo Jersom Shylla bad baroh ki nongkit kam ka seng.
