Shillong, Jylliew 14: Ka Seng Khasi Kmie kala pynmih ia kane ka jingpynbna kaba donkam ïa baroh ki khun u Hynñiewtrep u Hynñiewskum, u Hynñiaw Wasa Hynñiaw Wasung kiba bat ba ksoh ha la ka Niam Tynrai, ba ha kaba ïa dei bad ka jingpyndap ïa ka kyrteng Niam ha ka Khanasamari 2027.
Kane ka dei kaba la pynkhreh da ka Sorkar Kmie bad ha kino kino ki jingpyndap kiba donkam ha ki kot ki sla kiba donkam ia ka Kyrteng Niam, kumta la kyntu ïa baroh ba ki dei ban ai ryntih lang da kawei ka kyrteng, kata; “Niamkhasi Niamtre”
Kane ka long kat kum ka rai jong ka Jingïalang kaba kyrpang, kaba la long ha ka 17 tarik u Jymmang, 2026, ha Seng Khasi College, Jaiaw, Shillong ïa kaba la wan ïa shim bynta lang da ka Seng Khasi Kmie, ka Sengbah ki Nongshat Nongkheiñ Hynñiewskum Hynñiewtrep.
Ka Seng Khihlang, Seiñraij Jowai, Seiñraij Niamtre Shillong, Seiñ Kyntu Seiñraij 12 Daloi, Seiñraij Tuber, Seiñraij Raliang, Seiñraij Nartiang, Seiñraij Mynso nalor kiwei de ki nongmih khmat jong ki Tnat Seng Khasi Seiñraij bapher bapher.
Namarkata, na ka bynta ka jingryntih lang baroh, la kyrpad ïa ki Tnat Seng Khasi Seiñraij ban shim khia ïa kane ka jingkyntu da kaba pyntip sha baroh hapoh ki Tnat Seng jong ki.
