Shillong, Jylliew, 16: Ka dorbar mang tyngka kaba lai sngi jong ka Khasi Hills Autonomous District Council na ka bynta u snem mang tyngka 2026-27 kan sdang lashai ka sngi ha kaba iaka mang tyngka yn sa wanrah hapoh ka iing dorbar.
Ki thymmei khubor ki iathuh ba na ka liang pyrshah kin sa wanrah iaki mat iakren hapoh ka iing dorbar khamtam eh haba iadei bad ka tnad elaka kaba peit iaki iet ki hima kiba hap hapoh u pud u sam ka KHADC namar bun ki hima kila don tang iaki khlieh synshar kiba shipor.
La sngewthuh ruh ba kan don ka jingiakren ha kane ka dorbar mang tyngka ha kaba iadei bad ki khyrdop khrong musur kiba dei jong ka District Council kiba don ha kylleng ki jaka kiba hap hapoh ka jingpeit ka KHADC.
